Mikil þátttaka var í vinnustofu um framandi tegundir á Íslandi sem haldin var 16.–17. mars í húsakynnum Hafrannsóknastofnunar í Hafnarfirði. Um 80 manns sóttu viðburðinn á staðnum og með rafrænni þátttöku var heildarfjöldi gesta nærri 100.Vinnustofan var skipulögð af Náttúrufræðistofnun í samstarfi við fjölda inn [...]

Náttúrustofur víðsvegar um landið gegna lykilhlutverki í rannsóknum, vöktun, fræðslu og ráðgjöf um íslenska náttúru, auk þess að vera árangursrík byggðaaðgerð sem skapar störf fyrir háskólamenntað fólk á landsbyggðinni. Þrátt […]

The post Náttúrustofur: lykilstofnanir skornar niður appeared first on nave.is.

Dagný Viðars Þórhölludóttur hefur verið ráðin í starf sviðsstjóra hreindýrarannsókna hjá Náttúrustofu Austurlands. Dagný er með B.Sc.- og M.Sc.-gráðu í líffræði frá Háskóla Íslands og er að ljúka doktorsnámi í stofnerfðafræði við Dýralæknaháskólann í Vín nú í vor. Doktorsrannsóknir hennar beindust að stofnerfðafræði og þróun stofna, þar sem hún rannsakaði hvernig erfðafræðileg uppbygging og þróunarsaga móta aðlögun lífvera að umhverfi, meðal annars með greiningu á erfðasamsetningu stofna, tilraunaþróun og genatjáningu.

Dagný hefur víðtæka reynslu af gagnagreiningu, úrvinnslu stórra og flókinna gagnasetta, skýrsluskrifum og ritun fræðigreina, auk mikillar reynslu af teymisvinnu í alþjóðlegu rannsóknarumhverfi. Þá býr hún yfir fjölbreyttri og reynslu af krefjandi vettvangsvinnu og sýnatöku, sem nýtist beint í vöktun og rannsóknum á hreindýrastofninum.

Menntun hennar, rannsóknarreynsla og staðkunnátta gera hana vel til þess fallna að leiða og þróa hreindýrarannsóknir Náttúrustofu Austurlands til framtíðar.

Dagný er okkar vel kunnug, en hún var sumarstarfsmaður á Náttúrustofunni á árunum 2014- 2017, eftir að hún hóf B.Sc. nám og áður en hún hóf M.Sc. nám.

Við bjóðum Dagnýju hjartanlega velkomna í hópinn.