Núna í lok apríl birtist greinin Spatial variation and individual specialization of stickleback diet in relation to trophic morphology eftir Rögnu Guðrúnu Snorradóttur. Greinin byggir á meistaraverkefni Rögnu, sem hún lauk í sjávar- og vatnalíffræði frá Háskólanum á Hólum. Greinin er hluti af sérstöku riti um Mývatn í tímaritinu Aquatic Ecology (Special issue in Aquatic Ecology – The biology of Lake Mývatn and its surrounding areas - https://link.springer.com/collections/figagjhhha).

Í nýjasta þætt Víðsvegar á RÁS 1 var sjónum beint að fjöruferðum og rannsóknum á þörungum við Íslandsstrendur. Farið var í vettvangsferð með þátttakendum á þörunganámskeiði sem haldið var um miðjan apríl á vegum Hafrannsóknastofnunar. Námskeiðið var ætlað fagfólki sem st [...]

Árlegur fugladagur Náttúrustofu Austurlands og Ferðafélags Fjarðamanna var haldinn laugardaginn 25. apríl 2026 að þessu sinni var fjaran um miðjan dag og mæting á Leirum Norðfjarðar kl 14:30 og á Reyðarfirði kl 15:30.

Alls mættu sex áhugasamir þátttakendur á hvorum stað. Á Reyðarfirði var veður ágætt austan gola, skýjað og hiti 6°C.
Eftirfarandi 29 tegundir sáust auk þriggja blendings para aliandar og stokkandar sem yrði þá þrítugasta "tegundin".
Tegundir sem sáust á Reyðarfirði: Maríuerla, þúfutittlingur, heiðlóa, grágæs, skógarþröstur, jaðrakan, hrossagaukur stelkur, silfurmáfur, bjargdúfa, urtönd, hettumáfur, sandlóa, sendlingur, tildra, stokkönd, æður, flórgoði, álka, langvía, rauðhöfðaönd, svartbakur, fýll, lóuþræll, gargönd, toppönd, hávella, skúfönd og heiðagæs.

Á Norðfirði var heldur napur vindur en sól. Þar sáust ekki nema 20 tegundir: Grágæs, rauðhöfði, æðarfugl, straumönd, hávella, toppönd, tjaldur, sandlóa, hrossagaukur, stelkur, tildra, sendlingur, einn skúmur!!, teista, hettumáfur, silfurmáfur, sílamáfur, hrafn, skógarþröstur og þúfutittlingur.