Samtök náttúrustofa

Samtök náttúrustofa voru stofnuð 16 maí 2002.

Aðilar að samtökunum eru starfandi náttúrustofur á landinu, þ.e. Náttúrustofur Reykjaness, Vesturlands, Vestfjarða, Norðurlands vestra, Norðausturlands, Austurlands og Suðurlands.

Helstu markmið með stofnun Samtaka náttúrustofa eru að efla starfsemi, samstarf og kynningu náttúrustofa,  fjalla um sameiginleg málefni þeirra, auka samstarf við stofnanir á sviði náttúrufræða og umhverfisverndar og fjölga störfum í náttúruvísindum á landsbyggðinni. Þá verður stefnt að auknu samstarfi við umhverfisráðuneytið og sveitarfélög á landinu, m.a. við gerð fræðsluefnis um umhverfismál og náttúrufar á landinu og þar með að efla meðvitund almennings heima í héraði um nánasta umhverfi sitt.